即將離開利物浦嘅占士米拿，最近收到晏菲路球場草皮管理人員嘅特別禮物，就係晏菲路球場12碼點草皮

效力利物浦中場占士米拿即將會離開球隊，呢位英格蘭🏴󠁧󠁢󠁥󠁮󠁧󠁿中場最近收到晏菲路球場草皮管理人員嘅特別禮物，呢份禮物就係晏菲路球場12碼點草皮。事實上，占士米拿效力利物浦8年時間曾經長期成為球隊12碼劊子手🙂

呢班管理人員仲寫咗一張卡仔送比米拿，佢哋就話「占士，呢啲草皮被你摧殘左8年，依家係時候送比你照顧佢哋啦，祝你未來好運👍🏻。」

至於占士米拿就係社交網站分享呢份禮物，米拿表示「呢個真係好正嘅禮物，我依家可以拎自己嘅鉸剪同粉紅色嘅間尺去修剪啲草🤣。」