李駿傑爆Edan欺負隊友手段︰我會記得3支筷子

MIRROR成員李駿傑（Jeremy）日前在ViuTV節目《呂濤米Lo Seoul》中爆料，扮喊稱隊友呂爵安（Edan）人品不好，經常霸凌他們，令不少網民爆笑。Jeremy昨天（7日）在社交網分享拍攝節目時與Edan的合照，他說︰「有些話，現在終於能說了。呂爵安，佢的確成日蝦我，佢成日用佢嘅智慧與美貌（？）去蝦我﹗呂爵安，你要唔要出黎澄清吓？每次同呢個人拍綜藝，都好想打開佢個腦，睇吓入面究竟裝咩。Anyway I love You，但係我都會記得三支筷子﹗等住啦，我會報仇㗎﹗」Jeremy隨後談到在拍攝途中身體不適一幕︰「講番正經嘢先，大家不用擔心喔，我身體冇事，唔好睇節目大家好似好兒戲，但係其他三粒士多啤梨（指MIRROR 3位隊友）都好照顧我，仲有工作人員都係，多謝大家。」Edan搞笑留言︰「我知我嘅美貌令你好大壓力，對五字（對唔住）。」

（即時娛樂）