母親病重生命在倒數陳敏之45歲生日不快樂︰我很痛苦

上周三（17日）45歲生日的「索腿天后」陳敏之（Sharon），昨天在社交平台分享捧住生日蛋糕許願的照片，透露病重的母親生命正在倒數，她今年的唯一生日願望是母親能康復。

敏之說︰「2024，我並不快樂。看着病重的媽媽，生命時鐘在倒數，我從來沒想過，這一天來得那麼快。我的生日願望只有一個，祈求天父俾多一次機會媽咪好番。我好想佢繼續整飯盒俾我帶返公司食，好想佢煲椰子雞湯俾我飲，好想佢鬧我成日飲凍嘢，好想佢打電話俾我，好想佢日鵝夜鵝，好多好想好想好想好想。我真的很痛苦，面對龐大嘅醫藥費，我都要默默承受，因為我應承過媽咪，一定要佢舒服唔好捱苦，我再辛苦都冇所謂。我真係好希望有奇蹟出現，希望大家幫我媽咪集氣，希望佢可以好番。健康無價，珍惜身邊人。多給他們擁抱，多點說，我愛你。」

王君馨、陳山聰、楊茜堯、胡杏兒、陳煒、姚子羚等圈中好友均留言慰問，為陳媽媽打氣。