雷有曜晒太極舊照悼念唐奕聰：掛住你！

太極樂隊鍵琴手唐奕聰（Gary Tong）日前疑因心臟病發猝逝，安息禮定於3月26日舉行。現時移民到加拿大的成員雷有曜，在網上個人頻道，上載重新演繹歌曲《一生不再說別離》影片懷念對方，此歌Gary有份作曲，故特別有意義，而片中亦加插好多太極和Gary的舊照，相當傷感，他表示腦海反覆出現此曲：「唔講唔知，原來當年係為我離開香港而寫的，我仲可以講咩呢？感觸感動感激！」歌曲臨尾，他哀傷說：「掛住你，Gary！」

之前他亦曾錄下聲帶：「Gary離世得好突然，一下子消化唔切，諗番自從我移民咗加拿大之後，我哋嘅聯絡比較少，係生疏咗，只係每隔幾年返香港嘅時候大家會聚吓。」他謂認識對方時是在琴行上班，每次見到對方都是在彈琴，大讚對方彈得好好聽，他亦對於樂壇損失了這位有才華的音樂人感到可惜。

東網網站 : https://on.cc/

東網Facebook專頁 : https://www.facebook.com/onccnews/