【湯水篇】滋陰清熱石斛太子蔘螺片烏雞湯
識飲識食
上幾次都係煲素湯，話晒都係做節就當然要有返少少肉湯嘅但豬肉真係貴到唔敢買，咁就嚟煲雞湯。烏雞加埋石斛、太子蔘同螺片一齊煲，有滋陰清熱同益胃生津功效添~
石斛半両、太子蔘半両、螺片四片、淮山一両、杞子一湯匙、乾百合一両、烏雞一隻、椰棗四粒~
螺片先浸至軟身~
其他藥材就浸洗一陣~
烏雞洗淨汆水~
煲內放約3L水，待滾後加入所有材料~
然後繼續用大火加蓋煲約15分鐘~
再轉慢火加蓋煲多2小時~
最後加少少鹽調味就飲得~
第一次煲石斛，其實都唔知係咩味，仲要加埋比較濃藥材味嘅太子蔘一齊煲，其實都有一刻擔心小小豬唔肯飲。但原來煲出嚟啖湯又幾甜，大家都話好正，小小豬仲主動叫我下次再煲依個俾佢飲添！
以下係各食材嘅功效，可以參考一下呀(網上資料)
石斛 - 功效益胃生津，滋陰清熱。用於陰傷津虧，口乾煩渴，食少乾嘔，病後虛熱，目暗不明。此外，本品還有明目及強腰膝的作用；
太子蔘 - 治氣虛肺燥，補脾土，消水腫，化痰止渴；
螺片 - 有滋陰補腎及健肝益脾的功效，同時亦有助調理身體及腸胃；
准山 - 有健脾胃，補益肺氣，滋腎固精；杞子有滋養強壯及明目功效；
百合乾 - 能夠解毒安神，治療咳嗽及失眠，對女性來說還能夠很好的抗衰老；
烏雞 - 含有大量蛋白質，而膽固醇含量極低，是高蛋白、低脂肪的滋補佳品。而且烏雞所含有嘅DHA和EPA物質還可以提高兒童智力，經常食用可以有效調節生理機能，提高人體免疫力；
椰棗 - 有豐富鎂鐵，食物纖維同埋胡蘿蔔素。另外佢嘅糖分係單純糖，所以就更加容易消化吸收，可以減輕腸胃負擔。
*本文章的內容若未經授權，不得轉載