中年好聲音2︱尹新杰做老襯　對方竟然係108強選手

無綫歌唱真人騷《中年好聲音2》舉行得如火如荼，雖然尹新杰最終喺24強止步，不過相信對尹新杰而言獲益良多，話晒尹新杰喺節中搵到另一半外，仲喺除夕夜當日喺香港註冊，正式邁入人生新階段。

日前（1日），尹新杰喺社交網宣布同女友正式拉埋天窗，雖然佢早於12月中就宣布求婚成功，不過就未有公開未婚妻真身，估唔到對方竟然係《中年好聲音2》108強嘅參賽者之一李寶雯，而尹新杰結婚當日，《中年好聲音2》嘅參賽者梁浩賢、王玥、丁曉及張諾婷等人亦有份出席見證，導師彭家麗、何博文及支嚳儀等人亦有留言祝賀。

而現年40歲嘅李寶雯係108位入圍者之一，當日選唱《女人心》，並曾分享：「我嘅性格係比較內斂，可以話係少少社恐，所以我今次參加係好大，除咗對唱歌嘅挑戰，同埋講嘢都係最大嘅挑戰地方。」未料如今2人雙雙淘汰，卻結為夫婦，認真有緣分。

東網網站 : https://on.cc/東網Facebook專頁 : https://www.facebook.com/onccnews/