【慳家老公】老公慳家程度變本加厲 人妻擔心影響阿仔價值觀 網友稱已超越「貪小便宜」：唔好因小失大
以前有說法「娶妻求淑女」，那麼揀老公又有沒有特別要求？每個人的標準都不同，但都不外乎是顧家、花錢應洗得洗之類。但是有名人妻就投訴，她的老公對錢的執著越來越嚴重，雖然家中開支大了是事實，但已變到貪小便宜的程度，而且老公的人工又不算低，但人妻最擔心的還有一件事。究竟成件事是人妻諗多咗，還是老公真的過份了？
Photo from MamiDaily
好慳程度變本加厲
該名人妻在網上討論區發文表示，婚前已知道老公為人好慳，譬如出街從來不會買水，而是去私家醫院或體育館斟水，所以他是儲到錢的，人妻坦言當時頗為欣賞。之後兩人結婚生了兒子，可能家庭開支大了，他的慳家程度變本加厲，人妻更形容是「貪小便宜」。其中例子多不勝數，例如搭輕鐵從不拍卡、食餐廳薩利亞食東西明明沒有落單自由飲又去斟、和阿仔去冒險樂園玩彈跳迷宮會叫個仔溜入去不付錢等。
Photo from MamiDaily
擔心影響阿仔價值觀
身為人妻同時又是阿媽的版主坦言，有時真的令她覺得好尷尬。但老公是否人工不高？人妻說諷刺的是老公是老師，職位和人工不低。帖文最後人妻形容老公「真係好無品德，完全無身教」，同時她最驚是老公將這種價值觀傳了給阿仔，並言將來阿仔都是這樣「就大鑊」。
Photo from MamiDaily
網友：要盡快和老公傾下
很多網友都表示，老公行為已超越貪小便宜的程度，有的說「婚前係咁，你又支持佢，咁佢梗係變本加厲啦。其實係你間接造就成今日嘅佢」、「做男人做着咁真係羞家」、「呢啲性格無得改」。不過更多人說是會影響小朋友的價值觀，很快便會潛移默化，更嚴重會影阿仔將來的人際關係，建議快點和老公傾下，免得成為兒子得壞榜樣。之後人妻有留言補充，說「原來大家都覺得有問題，我仲驚係咪自己太正直，咁我真係要同佢傾下喇」，又言「每次佢有呢啲行為，我都有補畀返錢，我就係接受唔到，先想問下大家，究竟係邊個有問題？」
Photo from MamiDaily
不要因小失大
之後有網友一針見血，指出「佢呢種唔係叫慳家，更加唔叫貪小便宜，而係偷竊，只不過好彩有你補鑊。如果得佢一個出去做偷竊野，無你補鑊畀人拉咗，老師都無得做」。又有人說版主身為老婆，真的要警告老公，並說要慳錢還有好多方法，更不應因小失大。
Photo from MamiDaily
延伸閱讀：
【ADHD】6歲仔愛偷藏東西 似控制不到行為 母憂心兒會離家出走 網懷疑是ADHD
Text：Mami Editorial
Source：香港討論區
留言 2