謝君豪雙喜臨門　奪最佳男主角再獲頒榮譽院士

出道超過30年的謝君豪，今個月可說雙喜臨門，早前已經奪得「華語戲劇盛典」舞台劇最佳男主角，而昨日(20日)更獲香港演藝學院頒榮譽院士。

昨日香港演藝學院於演藝學院歌劇院舉行榮譽博士暨榮譽院士頒授典禮，除了謝君豪家人外，梁李少霞、毛俊輝 胡美儀夫婦、著名編劇杜國威、舞台劇導演司徒慧焯等名人都有出席儀式，而獲頒院士的亦包括著名資深影評人羅卡。

謝君豪1989年在演藝學院畢業，對於能夠獲母校肯定成就並穿上院士袍現身典禮覺得非常光榮：「以前我喺演藝學院畢業時，只係文憑課程，所以我未試過戴四方帽、院士帽這類畢業帽子，感覺好特別，有種好神聖嘅儀式感。」至於10日內連環成為舞台劇劇帝及榮譽院士，他表示：「今年10月真係雙喜臨門，啱啱就喺國內拎咗《華語戲劇盛典》舞台劇最佳男主角，現在又獲頒榮譽院士，好開心，感覺真的很興奮，同埋我著咗呢件院士袍，似打咗支強心針，亦都好大感觸，我喺演藝學院畢業，我喺呢度受訓，而家母校又頒呢個榮銜畀我，令我覺得應該將自己嘅經驗，學習到嘅東西，要更加多跟年青人分享。」並寄語年青人：「做好眼前這一刻的工作，行好這個過程，將來的結果每每會出人意表，這點是真的，亦是我從演藝學院中學習得到的，老師教我哋演戲唔係演個結果，而係演嗰過程，而呢個結果係你永遠都預計唔到的。」
謝君豪的媽媽，太太和女兒昨日亦都有到場，愛女更是專程從外地回港見證豪哥獲授頒院士。問到如何慶祝，謝君豪說一切簡單而隆重，跟家人一齊食飯就足夠。