騙案｜黃埔疑現新型騙案 港女遇路人爆喊遞紙巾後被借錢
騙案頻生，近日有市民在黃埔遇到一名陌生人大哭，好心遞紙巾後，對方隨即開口借錢。
事主在社交平台Threads發文，指最近在黃埔街頭見到一名女子一邊談電話一邊大哭，哭到淚流滿面。事主好心上前遞上紙巾，對方則以普通話向她道謝，第二句則是問她有無現金。事主發文指「收X啦，你嘅眼淚值一張紙巾咋」。事主指之後與朋友分享事件，有名朋友遇到一模一樣的情景，所以認定是騙案。
網民遇到同類事件
有網民笑指希望事主遞的紙巾不是「貴嘢Tempo」。另有網民指「香港人都有啦，呢排既事，喺馬路邊夜晚11點幾見有個男人喊，截停我，話屋企人遇車禍，問有冇現金借比佢趕去醫院。點知……我信咗，第二個星期見佢同樣地方藉口呃人。唉。覺得自己好蠢」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)