銅鑼灣時代廣場大媽疑偷電煲西米露 保安勸阻拒停仲大聲回應｜網上熱話
銅鑼灣時代廣場周二（1日）發生奇事，一名中年女子疑在商場地庫電梯旁用電子煲偷接商場電源煲西米露，煮約半小時，引發路人圍觀，保安介入勸阻。
網民在社交平台Threads分享，照片可見該名女子身穿金黃色上衣，頭戴髮夾，身旁有食物盒及水載食物，可見她專注攪拌，樓主稱她身邊有約10歲小孩，當時「煮咗(西米露)成半個鐘」，指商場職員到場勸阻，稱多人正拍攝她，但女方態度強硬，回「拍就拍唄！」（影就影囉）。
網民指「煮咗成半個鐘」
有在現場目擊網民補充：「今日經過見到，以為佢要煲水」、「原來煲粥，我路過以為佢打邊爐」、「佢滾咗起碼10分鐘先走，應該熟咗，同埋已經聞到有啲味」、「我都見到呀！嗰兩個保安好慘」、「其實在場保安非常之，十分之，極為之客氣，請佢離開。」、「其實我都見到，我嘗試去估有乜好緊要嘅原因佢要咁樣做，而唔去買現成嘅食物。但我真係唔知佢點解要踎喺度半個鐘以上咁煮嘢。」
亦有網民笑言「無處不煲粥！（杰撻撻）」、「佢想食粥，但係啲粥舖執左笠，惟有自己煲囉」有網民指出，大媽做法有盜竊之嫌：「Er……在香港的定義者等同盜竊，因為你在偷電」、「果然係一個氣定神閒嘅偷電大師」。
另有網民問「我比較想知道點解喺嗰個位會有個插頭，佢咁近地板水浸咪死」、「呢度真係時代廣場嘅問題，嗰啲插頭係鎖實㗎喎啲阿姐勁極都唔會爆到佢啲鎖啫」，樓主回應「你可以問time square，我每日經過都留意唔到嗰度有插頭，得佢先留意到。」有網民指其實育嬰室有插頭：「頂，好心做吓攻略啦，育嬰室有插頭唔使踎喺街邊煮。」
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)