黃劍文斷70%手筋照出發潮汕　傷手遺憾做唔到呢樣嘢

《中年好聲音2》黃劍文日前意外傷手，隨即入院接受手術，目前還在養傷階段，由於早已答允旅行社之邀，夥拍好兄弟譚輝智「帶團」暢遊潮汕，衡量過後他決定如期出發。旅程中他不忘於社交平台圖文並茂「報平安」寫道：「旅程安排都好舒服，酒店嘅景好靚。雖然最近整親隻手指，但係今次旅程心靈上都可以有休息嘅時間，再次多謝大家關心我嘅手指，多謝大家問候。」

而昨晚已順利完成行程返港，劍文受訪時開心地說：「本來都擔心手傷出發唔到，但醫護人員好好，幫我整咗隻硬膠嘅固定護手套，而且旅行期間個個都好保護我，同輝智表演唱歌時，旅行社仲安排咗幾位工作人員喺我隔籬，歌迷同我握手都好小心，個個都冇大動作，我真感受到人間溫暖呀。」

整個旅程唯一令他感到不便的，便是不能於台上親自彈結他娛賓，而幾天旅程整體感覺很放鬆，他更趁爭機會於湖天一色的靚景中大擺甫士拍照留念：「我都係首次到訪潮汕咋，估唔到印象會咁難忘。好多謝我嘅歌迷會成員報團同行，仲帶埋應援喺現場支持我，好感動呀。」

東網網站 : https://on.cc/東網Facebook專頁 : https://www.facebook.com/onccnews/