大S離世半年　具俊曄獨坐墓園陪伴日日報到

台灣女星大S（徐熙媛）今年2月在日本離世，老公具俊曄與之結婚3年就天人永隔，具俊曄相當痛愛大S，喺佢離世後就被S家指佢成日去愛人墓園陪伴，早前亦傳出佢要喺金寶山墓園附近置產，如今有網友直擊佢獨自坐大S墓園旁邊守護，畫面令人感動。

尋日（27日）有網友指，接送客人到金寶山為大S獻花時，原本擔心搵唔到位置，但一抬頭就見到一片墓園中，具俊曄喺毫無遮蔽物情況下坐喺大S墓地旁，獨自一人守護摯愛，狀態明顯變黑、瘦一圈。網友留言：「我當下就想說：難道那是具俊曄？結果接近之後真的是！他很客氣的跟我們說謝謝你們！」

多位網友亦留言指有親友於墓園返工，稱具俊曄真係每日都去陪大S，亦有多位網友曾先後偶遇具俊曄現身，又目睹大雨下仍見到具俊曄探大S，更有人指見過具俊曄離開時會擁抱墓碑及深吻道別。唔少網友都話隔住mon都feel到具俊曄對大S離開嘅悲傷，其身影充滿哀傷，又指「我看過最深情的男人了」、「希望他可以走出傷痛」等。

東網網站 : https://on.cc/東網Facebook專頁 : https://www.facebook.com/onccnews/