姜濤清晨返港攰樣盡現　深鞠躬唔收信姜糖嘆心痛

MIRROR人氣王姜濤日前西區跨過欄杆意外墮海，最後獲救沒有大礙後，翌日晚上就隨即飛往法國巴黎出席活動，更獲不少「姜糖」（粉絲暱稱）跟住飛過去撐場，一轉眼佢今日（30日）就已經完Job返港。

姜濤今日清晨約5時已順利抵港，見佢依家精神及狀態均頗為疲累，雖然獲大批姜糖接機送暖，不過佢仍然冇咩精神，步伐沉重，其助手見狀即用手按拍姜濤雙肩，令不少粉絲大表擔憂，着佢回港後要好好休，而助手細心照顧姜濤嘅舉動亦獲姜糖大讚。

上車離開前，姜濤即場向接機嘅姜糖深鞠躬，以表謝意。惟有粉絲不斷大叫姜濤收下粉絲寫嘅心意信件，但公司則唔准，有粉絲就建議經理人花姐可以幫姜濤收粉絲信，如唔想車停太耐，可事前收咗信先再讓姜濤出嚟見人。

東網網站 : https://on.cc/東網Facebook專頁 : https://www.facebook.com/onccnews/