陳法蓉讚佳麗質素高　麥美恩對朱文慧情有獨鍾

14位港姐佳麗今日（17日）齊集將軍澳電視城拍攝前奏節目，大會邀得4位港姐師姐擔任面試官會見佳麗及給予她們寶貴意見，當中麥美恩與陳法蓉分別就口才及演戲上作指導。

麥美恩表示見到佳麗們，即時憶起自己當年參選：「我當年係9號，個號碼一啲都唔利我，冇一個係我嘅幸運號碼。」她稱留意到海外佳麗及在外國讀書多年的佳麗，語言上較為吃力：「廣東話唔正，或者係潮語跟唔到，明白佢哋比較吃力。」在眾多佳麗中，她特別提到6號朱文慧，她開心謂：「佢講到明話好鍾意我。（因為你巨躉？）佢下身瘦過我好多，佢話鍾意《學是學非》時嘅我，話好少見啲女藝人咁活潑。」她大讚對方敢言又真性情，相當難得，又指不少佳麗對娛樂圈抱有好奇心，這是好事，她會針對性地提供意見。

陳法蓉讚今年佳麗質素高，真人比上鏡靚，問到心水？她坦言：「未見晒，留意到有啲好緊張，行到好似機械人咁。因為唔係泳裝，未睇到身材，只係睇談吐。」她稱見到佳麗們如此緊張，即時想起自己當年面試時，緊張到上唇肌肉不自覺跳動：「好在當年電視未係高清，所以睇唔到。我會鼓勵啲佳麗要對自己有自信，不過驚都係好事，會留意到自己邊度做得唔好而去改善。」

獲麥美恩點名稱讚的朱文慧，則感謝師姐提醒她說話時咬未要清晰，不要只顧住笑，談到她喜歡麥美恩，朱文慧即笑言：「係好鍾意麥美恩，啱啱見完更加鍾意！都好想好似佢咁識搞笑。」

東網網站 : https://on.cc/東網Facebook專頁 : https://www.facebook.com/onccnews/