巴西國家隊教練泰迪：真係唔好意思我唔會為咗嗰啲唔了解巴西足球歷史同埋生活方式嘅人作出評論

今晚11點將會有巴西🇧🇷對克羅地亞🇭🇷世界盃八強比賽，巴西國家隊教練泰迪出席賽前記者會被問到點睇上場對住韓國跳舞慶祝事件
泰迪就話「真係唔好意思，我唔會為咗嗰啲唔了解巴西足球文化、生活方式嘅人作出評論。」
泰迪仲話「我尊重我哋嘅文化同埋生活方式，而跳舞就係巴西🇧🇷文化。我尊重我嘅文化，亦都無對其他人唔尊重。」

泰迪最後就話「依家一班出色球員都係青訓教練教佢哋出嚟，而我哋就會比到佢哋信心，咁樣佢哋先至會發揮到最好表現。而面對呢啲壓力，我哋一定要有足夠勇氣，就算最後贏唔到冠軍都好，我哋都要繼續向前望。」

▼ Follow Football.jai 足球仔