與許凱「老婆」同床共枕　吳謹言新劇轉玩SheShe

內地女星吳謹言同許凱最近因新劇《尚食》再做情侶，二人再次爆紅，劇中佢哋更有情人終成眷屬，吳謹言終於「嫁」許凱，唔少粉絲都嗌感動，以為往後嘅劇情會關於兩人點Sweet，話一定會追完套劇，一圓《延禧攻略》中「傅瓔CP」冇得一齊嘅遺憾。但鏡頭忽然一轉，就講到吳謹言嫁畀「皇帝」許凱後，原來一直被冷落，佢自己都唔開心，竟然就諗計激老公，有晚佢就以藉口氹王可如飾演嘅「吳才人」同床共枕，兩女同床場面幾咁有SheShe Feel，咁啱許凱又真係去咗搵吳謹言兼見到呢一幕，激到佢生蝦咁跳即場拂袖而去。

唔少心水情觀眾就發現劇中有唔少SheShe情節嘅蛛絲馬迹，女女之間曖昧畫面盡現，好似吳謹言同藝人何瑞賢飾演嘅角色係閨密，但王楚然就每每暗處窺探，又妒忌二人關係，因「愛」成恨，估唔到SheShe情節反而更吸納女性觀眾。

東網網站 : https://on.cc/東網Facebook專頁 : https://www.facebook.com/onccnews/