天水圍輕鐵變態男當眾虐嬰　狂打BB腳廿幾次　目擊者驚到唔敢救

今日（2日）網上流傳一則帖文及片段，一名喪心病狂惡男，昨日在輕鐵車廂內，竟當眾無情狂打嬰兒腿部起碼廿幾次，下手重到啪啪聲，臨落車仲用手機狂篤BB腳，目擊者睇到崩潰心痛，卻因驚怕對方癲狂唔敢出手阻止，事後痛哭自責，全城網民睇完片段怒火焚燒，鬧爆變態男非人暴行，齊聲要求報警拉人！

事發於天水圍輕鐵車廂，涉事惡男懷疑係嬰兒親屬，僅因BB伸腳就大發雷霆，當眾大力重拍嬰兒腿部。片中雖只拍到一下，目擊者卻憤怒爆料，拍片前早已被狂打廿幾次，次次重手，BB被打到僅輕喊兩聲，乖巧到令人心碎。目擊者傷心崩潰：「人生第一次咁想個BB喊大聲啲！」

目擊者坦言，見惡男神情猶如癲佬，驚佢情緒失控傷人，唔敢當面制止，事後痛心自責：「BB我對你唔住，姐姐冇勇氣救你」，希望片段瘋傳，令BB媽媽睇到，及時保護可憐嬰兒。

片段於社交平台瘋傳後，全城震怒！網民鬧爆惡男喪盡天良：「大庭廣眾都敢咁殘酷，私下虐待更恐怖」、「唔識湊就唔好生，人渣都冇你咁衰」，大批網民強烈呼籲立即報警，嚴懲虐兒狂徒，拯救無辜小生命！

東網網站 : https://on.cc/東網Facebook專頁 : https://www.facebook.com/onccnews/