銅鑼灣驚現「賭王級」船麵！前新葡京主廚坐鎮正宗泰北菜！必食招牌泰北古法船面及泰北咖哩湯面 – Soi Thong 銅巷

不用飛泰國，銅鑼灣就食到正宗泰北菜！呢間小店主Chomchuen，曾於澳門新葡京酒店掌管泰菜廚房長達19年，更曾為賭王主理私人餐單，實力絕對有保證。店內環境仿效泰國街頭小巷，仿如置身泰國夜市，食物質素卻有星級酒店級數。招牌必試泰北炸燒肉咖哩湯麵，主廚堅持唔用現成咖哩膏，每日新鮮炒香南薑、香茅、黃薑等多款香料，再加入椰青碎爆出天然清甜椰香，湯汁濃郁香辣、層次豐富，配上每日即炸香脆入味嘅炸燒肉，味道完美融合，辣得過癮又唔單調，食一次就上癮！另一經典泰北古法船麵，湯底用牛骨加16種材料慢火熬足6小時，味道濃郁醇厚，再淋上羅望子、椰糖同乾辣椒秘製嘅手工辣汁，酸甜辣香一齊爆發，層次分明。小店仲有各款地道小食同甜品，記得配杯正宗泰式奶茶，過足癮先走！

延伸閱讀-2026香港好去處

【香港故宮文化博物館】香港故宮古埃及文明大展11月開幕！250件法老珍藏＋動物木乃伊

天水圍32,000平方呎濕地主題樂園21/12開幕！免費入場！6米高樹屋/歷險塔

GD愛牌駕到！韓國爆紅香氛hetras 登陸銅鑼灣！逾30款氣味、開幕優惠送沐浴露

THE GUNDAM BASE首間官方旗艦店20/12啟德開幕！1:2 神高達巨型半身立像

全球首個Pokémon 主題樂園2月正式開幕！600隻小精靈登場！Pokémon Center＋道館訓練場

▲泰北炸燒肉咖哩湯麵 ($108)，每天用南薑、香茅、黃薑現炒，更加入椰青碎。湯頭濃郁辛香帶清甜。配上每天現炸香脆燒肉，層次感極強。

▲泰北古法船麵 ($78)，湯底用牛骨加16種材料慢火熬足6小時，再加羅望子、椰糖同乾辣椒秘製手工辣汁，酸甜辣香層次分明。提供四種辣度選擇。

▲泰式手打蝦餅 ($98/4件)，用上鮮蝦肉、墨魚和蝦米，特別加入肥豬肉反覆拍打增加彈性。配自家浸羅望子熬成的甜酸醬，酸甜惹味。

▲泰式柚子蝦沙律($88)，用上新鮮柚子、鮮蝦配獨特醬汁，整體清新爽口。

▲串燒配泰北沙嗲醬 ($98/6串)，提供豬、牛、雞肉選擇，配特制泰北沙嗲醬。醬汁以新鮮大辣椒、蒜頭、幹蔥、醋及番茄調制。口感更清爽微酸，辣度溫和。

▲泰式醃生蝦 ($138)，選用阿根廷赤蝦醃制而成，肉質爽脆鮮甜配以秘制酸辣汁，酸香開胃、辛香平衡。

▲椰汁糕 ($48)，先將椰奶靜置焗一晚確保口感香滑不發酸。面層鋪上蝶豆花啫喱、馬蹄或大樹鳳梨，夠晒香滑。

▲斑斕千層糕 ($48)，每日新鮮制作，口感軟糯香甜而且質地順滑。

▲泰式奶茶 ($32)，茶香濃郁香甜、奶滑順口，甜度適中；椰汁三色冰 ($48)，奶底融合椰奶與新鮮椰青水，清甜不膩。混入蝶豆花椰汁啫喱、爽脆馬蹄及香甜大樹鳳梨，入口椰香濃郁；泰式綠奶茶 ($32)，充滿清新味道，奶茶順滑。

Soi Thong 銅巷

地址：銅鑼灣謝斐道528號地下
營業時間：星期一至日11:00-16:30及18:00-23:00
電話：28389190

文字：香港人遊香港