長腿女神沉迷「搵快錢」　懶理勸喻：再1次

韓籍啦啦隊「最強外掛」安芝儇，轉戰台灣嘅佢不時透過社交網分享生活點滴，玲瓏浮凸身材及42吋長腿更係圈粉無數。而今年新年留喺台灣應節嘅佢，日前更晒出一段同另一韓籍女神玩「刮刮樂」嘅片段，只見一開始買咗2張500新台幣（共約237港元）試手氣嘅佢，先係中咗100新台幣（約23港元）及500新台幣（約118港元）嘅獎金，隨即用獎金再買「刮刮樂」嘅佢，竟然又中1000新台幣（約237港元），試到甜頭嘅佢又再拎獎金買1張500新台幣嘅「刮刮樂」，最後中100新台幣。漸漸沈迷喺刮刮樂魔力中嘅安芝儇，即使旁人勸喻停手仍然懶理，邊講「最後一次」邊繼續買刮刮樂嘅佢，最後慘賠1100新台幣（261港元）損手離場。

東網網站 : https://on.cc/東網Facebook專頁 : https://www.facebook.com/onccnews/