黃宗澤奪雙視帝搞牛奶宴慶功　笑言「一奸即中」要轉戲路

出爐雙料視帝黃宗澤受訪，談到今次得獎笑說：「諗住攞完大灣區（視帝）就冇，後來見到苗僑偉出現就有番啲希望，好開心喺佢手上攞獎。（你本身好想攞？）我好佛系嘅，但情緒嘅嘢好難控制，所以上台忍唔住爆喊，況且台下有好多睇住我大嘅前輩，又播咗雪妮及唐佳生前嘅片段，令我好感觸。」

當被問到如何慶祝，他指明天要飛往南京公幹：「會宴請《新聞女王2》台前幕後，大家整番個牛奶宴，簡簡單單咁慶祝啦。（曾志偉辭職喎。）我都好驚訝，不過佢辛苦咗咁耐，以佢嘅地位及年紀去享受吓啦，都已經見到有收成。」他又笑言以往演忠角未有得獎，反而今次演壞人竟然「一擊即中」：「咁係咪即係以後都要走奸角路線呀？」

東網網站 : https://on.cc/東網Facebook專頁 : https://www.facebook.com/onccnews/