臨時決鬥｜胡子彤答應穿T-back 不敢逆老闆古天樂吩咐

胡子彤笑言不敢反對老闆古天樂的意思，如電影《臨時決鬥》票房過億就穿T-back泳褲；王丹妮說穿泳衣沒問題，但她會外加潛水衣。（劉永銳攝）

胡子彤昨晚（23日）出席電影《臨時決鬥》首映禮，聽見老闆古天樂稱如票房過億就派他穿T-back泳褲回饋觀眾時一臉愕然，他說︰「這個數字，其實真係好惜我。好呀﹗唔係點啫？不可以逆老闆意思﹗開始操肌？我長期準備，除過一次衫就次次都要除，而且我下部戲會前所未有咁大隻，又會有情慾戲。接受到著T-back？接受到，可以喺入面著條褲。」王丹妮稱願意穿泳衣回饋觀眾支持︰「泳衣外多穿一件泳衣。票房愈高，我就將潛水衣拉鏈逐格拉低。」

王丹妮在戲中有多場打拳戲，她說：「古天樂、周秀娜、胡子彤對我好好。如果大家出盡全力打，全部要入醫院，只係演戲，喺鏡頭前表現好激烈。」胡子彤稱最驚打傷梁詠琪︰「場戲講Gigi被打，露出驚訝表情。我事前已同佢講會真係畀啲力，佢好專業話冇問題，但我百厭，拍攝時再畀多咗力，希望Gigi冇嬲我。」