陳家樂狂食公仔麵當早餐怕畀Mani知

關智斌（Kenny）、陳家樂（Carlos）、楊天宇（Angus）主持的《三夫當關》播出第8集，今集三夫逐一剖白自己艱辛的健身過程。

農曆新年人人大飽口福，開心過後都要注重健康、消脂減肥。Angus分享自己平日的健康餐單：「早餐一匙蛋白粉加一條香蕉，倒入攪拌機就搞掂。」Kenny一如以往侃調師弟：「係咪工人整畀你食？」、「你識唔識用攪拌機？」Angus機智回應：「梗係識啦！我煮飯都贏你，點會唔識啊？」秒速KO Kenny。家樂表示通常會把最肥的一餐放在早上，並細聲說：「我唔敢講呀，驚Mani鬧啊，我會食公仔麵㗎。」家樂和Kenny均表示自己屬於「食極唔肥型」，兩人為練肌肉而飲健身奶粉，Kenny更每朝吃三碗飯。

原來減肥難，增肥一樣難。今集以健身為題，兩位師兄相當識做，突然夾攻掀起Angus上衣，為觀眾送上「肌肉福利」，無力招架的Angus只能大叫求救。當討論最滿意自己的身體部位時，家樂大讚Kenny的膊頭被譽為最靚膊頭，有「關智膊」之稱，令Kenny相當自豪。被問到有何弱點，Angus竟大放厥詞：「我冇弱點。」令兩位師兄相當無奈。

練肌肉當然有辛酸史，家樂在四五年前拍攝電影《破風》就因受傷膊頭至背脊一帶的肌肉全部撕裂，當時曾因就連睡覺都痛，一度想放棄走騷肌路線。而Kenny就分享自己剛跟教練健身時，第一個禮拜練到嘔吐，曾試過操到分不清汗與淚，雖然辛苦，但他很感激教練及那段日子：「佢唔止訓練左我嘅身體，仲有我嘅心態。」進入遊戲環節「健身話事啤」，第一盤要做33次Push up rotation，輸了啤牌的Kenny輕鬆完成。經過7個回合，三夫玩到身水身汗，最終Angus成為大輸家受懲罰 — 背著家樂行石春路，痛到嗌救命的Angus，引得兩位師兄笑爆肚完場。

撰文：機