莊思敏無私談受騙經過　高調公開「黑店」真身

藝人莊思敏被捲入虛擬資產平台JPEX風波，今日（26日）返內地佛山為林敏驄監製新片《蓋世神功》開工，不過佢未出發先興奮，日前上載新片自揭遇騙案！原來係佢專程去網紅咖啡店打卡時，發現同網上介紹嘅裝潢相貨不對辦，疑似照騙。喺店外排足15分鐘隊嘅佢，邊笑邊呻：「同我喺網上睇嘅（相）差太遠喇，我直頭極度懷疑，哈哈哈哈哈哈。」佢仲走去同店內職員詢問，對方就解釋網上介紹圖係幾個月前嘅裝修，她續笑稱：「我好想知究竟呢間餐廳嘅老闆係乜嘢裝修概念，將原本好靚好啱打卡嘅地方變成依家咁簡約嘅地方。」

莊思敏就成間舖指唯一「無呃人」嘅地方係佢個無敵靚景觀，不過好可惜佢被安排坐喺遠離窗邊嘅位置，莊思敏仲企喺一對父子食客旁邊抱怨：「如果佢畀呢個景我坐呢，我會開心好多，我會冇投訴嘅，可惜畀咗對浪漫嘅父子坐咗呢個位。」

東網網站 : https://on.cc/東網Facebook專頁 : https://www.facebook.com/onccnews/