周永恆神隱3年爆被老婆家暴 今次係受害者頭破血流

38歲的周永恆早年已經涉家暴，疑曾和前妻趙頌茹爭執時令她臉部受傷，不過今次受害者就變成他自己。日前填詞人因葵(陸謙遊)就爆出周永恆疑似被太太家暴，更上載多張周永恆頭部受傷要縫針的相片。

周永恆早在2004年因藏毒罪成判感化，之後2010年和趙頌茹奉子成婚，至2014年被被爆和同模特兒公司助手兼拍檔的港視小花劉依靜(Ruby)搞婚外情，和前妻趙頌茹發生爭執並動手，被評為「世紀賤男」。離婚後周曾和女團O.M.G成員黃芊詠(Cherie)拍拖，女方又聲稱被周永恆打，後者亦承認。直至2018年，周永恆和大陸女友陳薇(Britni)結婚並育有一子，之後2019年12月周永恆被拍到在尖沙咀疑打交後雙手合十跪地向警察求情，自此就開始神隱，疑修心養性。

不過其妻Britni仍有更新IG，至今年2月，Britni的IG已刪除和周永恆的婚照及合照，二人疑似婚變。
直至早前再有新消息，葵日在Facebook出Post留言：「無論你哋認唔認得圖中男主角，你哋覺得佢係乜嘢人唔重要，清官難審家庭事，但一個女人可以不停講大話，誣衊佢老公，仲要四圍唱畀佢老公啲朋友聽，話佢老公打老婆。呢堆相、whatsapp cap圖內容係今晚人哋老婆同我嘅對話，其他受傷照片，係佢老公早前入醫院嘅證據。」他更指出周永恆剛做完腦部手術：「情緒病逐漸好轉嘅時候，到個老婆發神經。其實有暴力傾向係個女人，或者有人會覺得抵死，但呢個朋友，我用咗超過三年時間同佢相處，你唔會估到佢其實係點。喺你哋眼中佢只係八卦新聞一則，但我見到佢今晚含冤入獄，我實在忍唔住。」而因葵和周永恆亦屬好友，更以「世侄」稱呼對方：「唔好計佢以前自己私生活係點，呢一個世侄唔只係朋友咁簡單，佢可能係第一個令我發現自己有乜嘢弱點，令我進步嘅人，我曾經帶過佢去彼岸，然後又回到俗世。我而家只係想講一句：what doesn't kill me makes me stronger！」