57歲林海峰「Sub 4」完成波士頓馬拉松　獲當地粉絲舉牌支持

57歲的林海峰（Jan）熱愛跑步，近年不時飛到世界各地參加馬拉松，近日他飛到美國參加波士頓馬拉松，今天（16日）更在社交平台貼出參加波馬的照片，跑出3小時51分48秒的成績完成全馬賽事，雖然成功「Sub 4」，但表示當日天氣炎熱，抽筋又爆偈，最後捱到終點，亦慶幸見到藍天白雲，加上不少粉絲在當地支持，令他繼續心情晴朗。

林海峰在美國時間周一參加波士頓馬拉松，以「Sub 4」完成了「六大馬拉松」的其中5場，但他完成比賽後分享感受，直言天氣不似預期。他寫道：「熱暑人，冇法，抽筋爆偈捱到尾，熱爆加灰爆。馬拉松就係咁令你又愛又恨，可以點？睇你點啦，咁啱見到藍天白雲心晴朗！」

林海峰全場排名14614位，排男子9428位，在他所屬的年齡組別排831位。他在首15公里速度保持在每公里4分40秒左右的配速，之後慢下來，中後段則減慢至跌到6分鐘，最後平均每公里約花5分30秒。

據悉，他先後參加過2015年東京馬拉松（3小時49分）﹑2019年紐約馬拉松（3小時25分42秒）﹑2022年倫敦馬拉松（3小時18分08秒）﹑2023年柏林馬拉松（4小時02分17秒），以及今年波士頓馬拉松（3小時51分48秒），尚餘今年10月舉行的芝加哥馬拉松，Jan有望完成大滿貫，獲「六星甜甜圈」馬拉松獎牌。

直到晚上，Jan又再貼出跑步相片，並緊貼近日金像獎劉嘉玲的龍蝦裝熱門話題，寫道：「見圖，今次波士頓真係跑到好似隻龍蝦上身咁。高溫生煮，一半路程已經出現頭身分離，明顯死死哋，肉質唔新鮮不特只兼肉身欠光澤，最後唯有攞去蒜蓉開邊蒸咗佢算！」