解風東京2｜杜如風行街遇天敵 為梁朝偉親製御守保平安

杜如風（Helen）主持的TVB Plus旅遊節目《解風東京2》昨晚（6日）首播，Helen以預知夢短故事出場，簡介今輯節目內容。她接住來到涉谷區，介紹一款海鮮控不能錯過的「痛風鍋」。她說︰「痛風病友真係唔好食，因為全部都係海鮮甲殼類。前菜嘅大粒生蠔已經非常吸引，淨係食前菜已經夠食。」

Helen點了辣味噌湯底，歎海鮮同時不忘連環搞爛gag，首先話自己「無痛風因為我叫杜如風」，形容鮟鱇魚肝時講冷笑話「淡淡地唔係腍身…… 唔係沖涼嗰啲『淋身』」。接下來的購物時間，Helen來到一間90年代復古風的名牌店，終於流出「第一滴血」，購入7000多港元的名牌袋及1000元的名牌恤衫。她指恤衫有點似護士服，笑言︰「鹹濕醫生俏護士，買番去玩cosplay都得呀，1000蚊港紙。」

今晚（7日）播出的新一集，Helen走入二手名牌店，被店內的兩款名牌袋吸引，其中一款盛惠80萬日圓（約42500港元）。她說︰「真係從來未見過，呢啲咪罕有，貴就貴在呢度囉，出面搵唔番。我次次都係咁同阿媽講。」當她看見另一款同牌子差不多價錢的迷你背囊時表示︰「係咪好招積呀，呢個又未見過。好靚啊﹗好靚啊﹗好靚啊﹗」Helen徘徊於「買」與「不買」的邊緣，身心俱疲。她自言自語地說︰「死梗喎呢個真係，未諗到藉口同媽咪講。」

壓軸登場是Helen偶像梁朝偉，她介紹一間神秘地下神社時，親手為偶像製作了一款祈求健康的御守，她還說︰「朝偉你要身體健康呀，不過見你60幾歲仲拍緊戲咁弗，應該唔使幫你求住嘅。」獲梁朝偉同等地位的是Helen愛犬，同獲健康御守保平安。

（即時娛樂）