前無綫花旦劉錦玲大爆圈中祕聞：唔鍾意虛浮氛圍！

藝人劉錦玲曾是90年代無綫花旦，拍過唔少經典劇如《天龍八部》、《絕世好爸》等，不過由2006年起，佢就逐漸淡出娛樂圈，轉投保險界發展。近年佢仲移居去美國。舊年7月，佢仲喺社交網宣布自己碩士畢業，一班網民都好戥佢開心。

而喺近日，佢又有感發文寫到：「昨晚看到一段訪問視訊，有人問張曼玉，若可重新選擇，會否仍做演員，她說會。但如果問我，我的答案是不會。原因是這行業當有不少人和媒體都為了利益，不擇手段、笑裏藏刀，令我心寒。」佢仲話自己最難接受做作誇張、冇內涵嘅表演，而唔少人都大讚佢敢言，仲話佢拍嘅戲非常好睇。而劉錦玲亦有回應話：「鍾意表演嘅本質，但唔鍾意行業嘅虛浮氛圍。」睇嚟佢非常享受依家嘅新生活！

東網網站 : https://on.cc/東網Facebook專頁 : https://www.facebook.com/onccnews/