《神探俏嬌娃2》兩女星重聚　狄美摩亞爆禁止露身體1部位

由美國3大女星金美倫戴雅絲（Cameron Diaz）、劉玉玲與祖娜芭莉摩亞（Drew Barrymore）2000年代合演的賣座動作片《神探俏嬌娃》（Charlie's Angels）大受歡迎，而原班人馬即開拍《神探俏嬌娃2：指環密令》（Charlie’s Angels: Full Throttle），並加入當時爆紅的美國女星狄美摩亞（Demi Moore）加入飾演片中「大反派」，而狄美憑片中一場沙灘戲搶晒「主角」金美倫鏡頭。最近狄美亮相舊拍檔祖娜的清談節目憶往事。

她們特別提及那場沙灘戲，狄美表示拍攝3周前才得知要拍那場戲，她於那場戲中需要穿上比堅尼及拎住滑浪板在沙灘上奔跑，而她嫌當時根本沒有時間作準備，她說：「我冇時間去諗自己望起上嚟會係點樣，我只記得嘅就係懇求佢哋唔好拍到我屁股。我唔知點解但呢個係我堅持。」祖娜就猛讚狄美：「冇人能夠可以喺3星期內做到好似你喺那場咁fit。所以顯然你絕對準備好可以拍。」而祖娜更自嘲做唔到：「我試過用3星期節食。但我做唔到好似你咁嘅效果。」

東網網站 : https://on.cc/東網Facebook專頁 : https://www.facebook.com/onccnews/