網上熱話｜西貢牛群聚集的士巴士通通讓路 網民：港版奈良公園
屯門居民出市區常被戲稱要「騎牛」，但事實上本港部分地區的確常有流浪牛出沒，包括大嶼山、西貢等。有網民近日在西貢北潭涌大網仔路近北潭路交界，遇到超過15隻牛聚集在馬路上，兩旁的客貨車、新界的士和巴士都要停下等待牛隻離開。目擊者引述有巴士車長向同事稱「有排等，慢慢等」，又戲稱好像正乘搭前往動物園的巴士。
▼西貢不時有流浪牛出沒▼
笑言牛隻才是原居民「大晒㗎喎」
相片吸引到逾3,770個讚好和其他表情回應、過百次分享，有留言笑言「你吹佢唔脹架喎，人哋先係原居民大晒架(㗎)喎」、「原來新界人騎牛係真架(㗎)」、「香港版嘅奈良公園」、「以為呢到係東南亞or(或)非洲國家。」同時，也有很多網民呼籲好好珍惜此情此景，「香港唯一剩下的牛，佢地(哋)先係原居民，要好好保護佢地(哋)」、「一幅人畜無害和平共處嘅相，正。」
有相信熟悉一帶環境的網民稱，同類情況已經發生過很多次，附近村民教路稱只要用長草撩牛隻的屁股，牠們便會起行離去，另有人稱「呢度啲牛好識做，你輕聲呠佢，或者攞射燈寫(射)吓佢，佢會即刻行開。」
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)