懶理兒子尷尬！阿諾公開狂讚兒子的天后前度Miley

荷里活大隻佬巨星阿諾舒華辛力加（Arnold Schwarzenegger）的大仔柏德烈舒華辛力加（Patrick Schwarzenegger）曾與美國樂壇天后Miley Cyrus拍過拖，雖然他們分手已10年，但阿諾唔怕兒子及未來新抱尷尬而常常將Miley掛在口邊，最近他接受節目訪問時亦再次提及Miley。

阿諾大讚Miley好有音樂才華，他說：「佢係一個好女仔。」之後他繼續講有關他們的往事：「佢（Miley）上嚟山谷搵我哋，當時我哋喺山上滑雪，而佢係一個好好客人。我哋全部人都好愛佢。」主持人問到他對囝囝與Miley的一段情有何不好的回憶，阿諾即時回應：「冇任何唔好嘅嘢，佢（Miley）真係好好，係一個好人，同佢一齊好開心。我好抱歉佢哋段情唔能夠開花結果。」

至於柏德烈的模特兒未婚妻Abby Champion，阿諾於訪問中就踢爆他們即將於今年9月拉埋天窗。

東網網站 : https://on.cc/東網Facebook專頁 : https://www.facebook.com/onccnews/