古佩玲少女心事多　打坐踢走不安

古佩玲憑無綫處境劇成功入屋，事業發展順利，但也受到少女心事、煩惱、焦慮的困擾。信佛的她透過打坐沉思和睇書，逐漸將不安情緒踢走。

前港姐季軍古佩玲（Kelly）憑無綫處境劇《愛．回家之開心速遞》「神婆」素素一角成功入屋。未正式接受過戲劇訓練的她直言多得拍劇時的實戰磨練，令自己演技有所進步，她受訪時說：「作為演員最重要係實戰攞經驗，拍《愛．回家》就好似上演藝課程、補習班咁，自己入去嗰時係BB班，跟住啲前輩慢慢『升呢』，對比最初就實有進步，演出自然咗。好記得最初入去前輩都叫我唔好咁緊張，依家開工就好似返屋企咁，大家研究下午食咩，買零食返去分享。」除了「素素」這個反差極大的角色，她更希望和「神級」的佘詩曼合作，「同阿佘合作係我嘅夢想，好鍾意睇佢做戲，因為阿佘，細細個我已經好想拍古裝劇。」

工作以外信佛的Kelly多數留在家中畫畫、抄佛經、寫書法、打坐，學習心靈成長，她說：「因為一向信佛，所以好鍾意研究佛學嘅思想層面，作為演員，有時一句對白可以有好多諗法，打坐、沉思可以思考得更遠，慢慢諗到好深入，對演出都有幫助。」她坦言雖然工作順利，但也會胡思亂想，有時受到少女心事、煩惱、焦慮困擾，覺得打坐能夠將煩惱一掃而空：「打坐幫助好大，令你明白到焦慮嘅事情，可能其實唔存在，好似有時會焦慮，會唔會唔夠努力呢、係咪要努力啲去爭取呢、今日靚唔靚、套衫着得啱唔啱呢咁！」

Kelly覺得並不是娛樂圈工作的不穩定性令她容易出現情緒，覺得是大環境影響，認為不安情緒要找方法去釋放，除了打坐她還最愛看別人的故事，她說：「最近睇書，睇到一個充滿病痛嘅女仔都可以堅強生活，好啟法到自己，好有能量。大家身體健康，更應該開開心心，人好鍾意胡思亂想，睇多啲人哋嘅故事，可能自己嘅煩惱，其實都唔係煩惱，只係一時嘅擔心，自己嚇自己。」

服裝：mrselfportrait@selfportrait_hongkong

東網網站 : https://on.cc/東網Facebook專頁 : https://www.facebook.com/onccnews/