江若琳再出情歌　搵張繼聰談情唔尷尬

歌手江若琳（Elanne）相隔10年，終於推出全新情歌《流著淚寫句號》。不少樂迷曾向她表示，自己是聽她的情歌長大，甚至度過失戀的日子，因此今次再度推出情歌，Elanne亦感到非常興奮，覺得好像終於可以向一班支持多年的粉絲有個交代！她表示相隔多年，終於有個好機會，再次與樂迷分享這些年她在愛情路上的種種經歷，更邀得好友張繼聰（Louis）在MV中飾演情侶，攜手演出。

該曲講述一對情侶由相戀到分開的過程，最終因了解而放手，學會放下執著與遺憾，衷心祝福對方擁有更美滿的人生。MV男主角找來好友張繼聰擔任，Elanne直言：「我一聽到MV故事，發現需要演技，就決定今次要親自上陣演出。至於對手演員，我第一時間就想到張繼聰，一位我近年非常欣賞的演員。當時其實都未定實其他拍攝細節，但我已經立即打電話問佢可唔可以幫手！」Louis聽到後毫不猶豫答應，並表示：「娛樂圈本來就應該互相幫忙。見到Elanne有幸福的家庭，仲繼續追夢，當然要義不容辭啦！」

二人在MV中要飾演情侶，一起經歷熱戀、冷戰、激烈爭執、最後分手的階段。被問到會否感到尷尬，Louis笑說：「我身為一個專業演員，唔會覺得尷尬！」Elanne則坦言：「唔尷尬，但唯一要求係我老公唔可以在場，因為佢睇住我會演得放唔到！」至於MV中的爭執場面，二人演技大爆發，掃枱、掉嘢、發脾氣場面真情流露。Louis作為愛妻號更分享：「我同老婆平時幾乎無咩爭執，因為夫妻相處講求融洽，先可以行得長久。」Elanne亦大方分享：「我同Oscar由拍拖、結婚到生BB，當然有鬧過大交啦！但係人大咗，感情變得更成熟，識得冷靜處理，鬧完交都會坐低溝通。如果唔係，就真係變前度啦！」

她續指：「十年來我學識咗，了解唔代表要勉強走埋一齊，今次拍MV都有諗返以往嘅經歷，其實我覺得我自己比較難同前度做得返朋友嘅，因為我覺得要move on，學識放手、祝福對方更重要，大家各自安好就足夠。如果當初冇放手，就未必會遇到依家身邊真正啱嘅人。呢種幸福其實源於一個選擇，有時學識放低執著，比捉住不放更勇敢。我都希望樂迷可以透過首歌，同我一齊成長。」

東網網站 : https://on.cc/東網Facebook專頁 : https://www.facebook.com/onccnews/