何廣沛演活「渣男」一角　梁超怡晒芭蕾舞技

藝人何廣沛與陳曉華於TVB劇《非常檢控觀》中的單元故事，獲網民稱為「現代版陳世美與秦香蓮」，網上好評不絕，何廣沛的盛世美顏及入型入格，以及吳展驊與何廣沛「神撞樣」均引發不少熱話。對於何廣沛首演「Idol 渣男」，網民有讚冇彈，大讚演韓國偶像的廣沛「顏值超出預期」兼擁無敵童顏：「想大嗌 oppa！」，廣沛受訪時笑言「零顧慮」：「Sammy（戲中角色）面嗰浸唔係太衰，但底嗰浸就真係衰到貼地，所以演起上嚟唔需要顧慮太多，即係唔需要渣到出汁，我主力係做番啲睇落去好似好無辜嘅感覺。」並預告Sammy最終極有機會被觀眾鬧爆：「觀眾最後應該都接受唔到呢個渣男，因為真係壞事做盡，抵佢有報應嘅！」

談到首度在劇集獻聲，並因而擁有首支個人單曲，廣沛坦言是「考牌」，並笑言首次錄音過程遭監製一再指正：「監製好好特登寫咗一首全新嘅歌《懲人淚》畀我，我記得第一次入錄音室，淨係得MMO同埋歌詞，完全唔知道點唱。自己喺屋企 Prepare 嘅所有嘢，去到錄音室要由頭嚟過，監製全部都唔要，逐粒音叫我點錄我就點唱，所以過程好迷茫好 Lost，唔知道出嚟效果係點。」對自己歌藝不是太有信心的廣沛，透露當知道《懲人淚》最終變成《非常檢控觀》插曲，難免有點擔心，並笑言「希望大家高抬貴手」：「始終唱歌唔係我強項。」

劇中，馬德鐘及陳煒的年輕版由阮浩棕及梁超怡飾演，梁超怡在劇中一出場即要大晒芭蕾舞技，不但動作優美，甜美的笑容配以清純的大眼睛更讓人感覺超脫俗，難怪被指「最上鏡小姐」實致名歸！超怡為了該角色專誠在劇組安排下學跳芭蕾舞，前後花了足足兩星期之餘，更因先天筋骨較硬關係，每日要花上兩小時拉筋，相當有心。至於前年憑《異空感應》演技顏值同時贏盡好評的阮浩棕，前晚（20 日）一出場即爆 Seed 大晒喊功，與昨晚一集的「初戀純情樣」成強烈對比，令人更期待他與超怡在劇中往後發揮。

東網網站 : https://on.cc/東網Facebook專頁 : https://www.facebook.com/onccnews/