莊雅婷主持活動突宣布延期 無解釋原因｜Ray Online
青年民建聯原定今個星期六(3月14日)舉辦「2026香港青年海洋論壇」，不過今日突然宣布延期舉行，並無交代原因。
莊雅婷原本擔任論壇主持
民建聯西貢區議員莊雅婷同網絡名人鍾培生訂婚，成為城中熱話。莊雅婷同時喺青年民建聯副主席，佢一直好關注環保議題。青年民建聯有份主辦嘅「2026香港青年海洋論壇」就係由莊雅婷發起，佢原本仲會擔任論壇主持。
不過，青年民建聯今日喺Facebook交代活動將延期舉行，話好遺憾要喺活動前夕，作出呢個艱難決定。對於已經報名嘅參加者、嘉賓同合作夥伴帶嚟嘅不便致以最深切嘅歉意。青年民建聯目前正協調新嘅活動日期，落實之後會第一時間透過電郵同社交媒體公布。大會到時會發布全新嘅報名連結畀大家重新登記。青年民建聯感謝大家嘅耐心體諒，話期待喺不久嘅將來同大家喺海洋發展嘅對話中再次相遇。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)