毛舜筠帶細女睇《家有囍事》　「媽咪同戲入面一模一樣」

1992年上畫的賀歲片《家有囍事》，距今已33年。今年MCL戲院開設金句場，於10/12舉行，讓一眾已背晒所有對白的「囍事迷」，可以入場邊睇邊讀對白，百幾人一齊講都幾震撼。而金句場竟為影迷帶來驚喜，找來「無雙表姐」毛舜筠出席，同大家分享拍攝趣事，又跟大家合照及簽名。

毛舜筠當日更帶埋細女Jill出席，事後她在社交平台發文︰「當年首映時我坐在戲院內，點會諗到33年後嘅今日，我會拖住個女再入戲院重溫呢部經典喜劇！」毛舜筠深知今次出席的都是「囍事迷」，但觀看次數之多都嚇親毛姐。「有睇咗超過五十次，甚至過百次的，有放學後覺得要入戲院睇一次的18歲年青人，有家人陪伴着坐輪椅的婆婆…每一位我都在散場後跟他們續一拍照留念。」

至於同行的細女Jill，今次就係第一次睇。「我諗佢覺得好神奇，點解周圍啲觀眾識得背晒啲對白。」而活動有合作過《阿媽有咗第二個》的彭秀慧導演做主持，彭導更問Jill睇完覺套戲覺得如何？Jill笑著說：「媽咪同戲入面嗰個一模一樣！」足證毛姐真人都係一位無雙表姐。最後她感恩有生之年可以同下一代一齊重溫這部經典︰「實在太太太開心！」