黃庭鋒6度爭男飛躍望圓夢　首提名視帝已獲肯定

藝人黃庭鋒在無綫台慶頒獎禮憑劇集《富貴千團》、《麻雀樂團》及《巨塔之后》與節目《Grand住去利物浦》打入「飛躍進步男藝員」10強。入行9年已6度提名「男飛躍」的他直言今年有不少作品出街，既有劇集演出，亦有強項為節目擔任主持，為他打下強心針，希望今年可以如願得獎，他說：「已經第6次提名，提名嘅階段好唔同，頭2、3次係好興奮，到第4、5次心態就變咗平常心，因為都會知道作品反應係點。今年咁多作品出街，希望今次係啦，哈哈。」

庭鋒在今年的頒獎禮獲多達4項提名，當中更包括「視帝」，坦言今年是入行以來最多提名的一年，絕對是大豐收的一年，他說：「最驚喜一定係《富貴千團》候選『最佳男主角』，都係一個開始，有提名都好難，係一份肯定，增加咗信心。」庭鋒回憶當年到英國讀書上演戲班害怕得要「走堂」，到現在迷上演戲，當然也希望有日可以登上「視帝」寶座，但現階段首要是做好每個角色，每個角色也有所突破。

近期剛拍攝完劇集《玫瑰戰爭》的他指難得可以同時向多位前輩取經，包括林夏薇、陳豪、馬國明、楊茜堯等，令他獲益良多。印象最深的一場戲要數與林夏薇的姊弟爭執戲，情緒起伏相當大，感激薇薇拍攝前的循循善誘，他說：「事前佢已經搵咗好多關於姊弟情嘅歌畀我聽，叫我攞個感覺。去現場拍嗰陣，佢仲除咗一邊耳塞同我一齊聽歌，令到大家都好入戲，跟住就好舒服、好自然咁完成場戲。」

場地：Greyhound@K11 Musea

化妝：Jennier Chan

東網網站 : https://on.cc/東網Facebook專頁 : https://www.facebook.com/onccnews/