政Whats噏：江玉歡話「轉跑道」　原來轉去...

江玉歡承認加入港鐵管理層任法律總經理。

打一份工都已經覺得辛苦，更何況要打兩份呢。議員江玉歡本身係執業律師，早前佢話已離任律師行，要「轉跑道」咁話。到底轉咗去邊度？今日(3日)仍歐遊緊嘅佢承認獲聘全職受薪工作，加入港鐵管理層任法律總經理。佢就話日後周一至周五都要上班。同時打兩份工，到底點樣兼顧呢？難道佢有三頭六臂？佢就強調一定會堅持議員嘅工作，同埋佢有好嘅團隊幫忙喎。

江玉歡話會接受新工作，係因為佢認為「社會栽培了我，如果放棄自己的專業有點浪費，執業才不會與社會脱節。」另外，佢話自己時間管理好、有效率，近日團隊亦請多咗人，有7名全職同事，再加5名實習或兼職。