TVB體育評述員移民新加坡　突然返港做呢件事...

TVB臥虎藏龍，其中體育評述員兼主持江忠德，去年主持巴黎奧運時表現獲讚，早年已移民新加坡的他，近日特意回港講波，原來是返TVB講足球季前熱身賽，他透露：「坐飛機返嚟TVB開工啦」。江忠德除說話盞鬼，更不時會大爆金句，去年他評述子越野皮划艇準決賽第二場賽事時，指該場賽事「撼頭埋牆又有，原地上螺絲又有」，更用人生哲學形容：「當你喺逆流上流掙扎嘅時候，發覺自己搞咗大一輪原地踏步，未郁過！所以人生嘅嘢，當喺人生谷底（水底）只要上得番來都能夠晉級。呢個比賽最大真諦係永不放棄，只要留喺賽道上就有機會。」獨特風格贏得網民喜愛。

東網網站 : https://on.cc/東網Facebook專頁 : https://www.facebook.com/onccnews/