網上熱話｜朋友飯局帶仔女出席 單身朋友不滿2件事反被轟：咁都要斤斤計較
到了一定年紀時，身邊朋友陸續結婚生仔，以往的朋友聚會慢慢演變成親子聚會，有仔女的朋友都會帶埋小朋友一同出席。早前，有網民在社交平台發文，分享自己近日朋友聚會的情況。惟他卻表示是次聚會很有可能是「最後一次」，只因「有小朋友」和「無小朋友」的考慮因素極不相同，引來網民留言討論。
朋友飯局帶仔女出席
早前，有網民表示近日出席朋友飯局後，方發現「有小朋友」同「無小朋友」原來會引發一場「朋友紛爭」。他表示，全場只得他與事件主角「朋友A」沒有小朋友，「一條友嚟」，而其他出席的朋友「平均有1-3個小朋友」，由大家開始討論嗌咩外賣開始，「朋友A已好燥底」，最後更不快收場。
2件事惹不滿
發文者稱，因為在場的小朋友均「口味特別」，「有D要壽司，有D要pizza，有D要開心樂園餐，又雪糕又珍奶，有個要自己一份雞蛋仔」，父母們在照顧自己子女需求時又表示「阿邊個小朋友鍾意食㗎，順便買埋啦」，因而叫了極多外賣。而當開始食飯時，「個個父母都將最好搶晒留晒畀小朋友，小朋友又浪費..無小朋友嘅人就食剩嘅野食，當時都未知有問題」。而令朋友A真正不滿的，是最後的夾錢方式，「大家夾錢嘅單位以『家庭』計，即係5個人同1個人夾嘅錢相同，約600蚊」。
網民力撐朋友A
發文者文末直言「雖然最後佢都比咗，但朋友A就被大家定性為『咁都要同小朋友斤斤計較嘅人』」，更無奈道「相信以後聚會都再見唔到朋友A」。帖文引起網民熱議，大部分網民均力撐朋友A，「佢一個人又冇理由同一家人一樣錢」、「成班搵人笨唔講？自己得益就覺得無問題反而係人地計較，成家都無家教」、「通常都係攞人著數果啲話人計較」，亦有人認為「無效社交、不公平消費的飯局，一律拒絕參與。相信我，朋友愈少，生活愈輕鬆寫意。」更有人送上祝福，「恭喜朋友A離開你地呢班仆X」、「朋友A 值得更好，遠離呢d 騎呢人，識過一d 新朋友」。
睇完新聞，記得追蹤am730以下平台，接收最新、最啱你嘅消息！
Facebook：am730 (https://www.facebook.com/am730hk)
Instagram：am730hk (https://www.instagram.com/am730hk/)
YouTube：am730 (https://www.youtube.com/c/am730video)