林正峰拍片直擊7點Chur到凌晨　玩命日程唔知撐幾耐

無綫上位小生林正峰自爆要身兼5職幫補生計，繼佢到深圳擺攤賣檸檬茶後，為做好演藝事業嘅佢更晒出玩命Vlog，紀錄自己由7點Chur到凌晨1點嘅日程。佢拍片指自己清晨7點就起身梳洗準備返工，9點半到達拍攝現場。該日佢拍攝TVB綜藝《獎門人》，烈日當空玩水上遊戲，林正峰自己都話肯定已被曬傷。

一直拍到5點收工，佢又趕去做社工工作，直到10點先真正完成工作。佢都即刻撲返屋企，食媽媽為佢留下嘅飯餸，非常暖心。補充少少體力後，11點幾佢就走去做GYM，做到接近凌晨1點，被指係玩命日程，連佢自己都話唔知可以支撐到幾耐，令粉絲好心痛。

東網網站 : https://on.cc/東網Facebook專頁 : https://www.facebook.com/onccnews/