Ian五行愛木冧Hellosss　棄水創作新歌

男圑MIRROR成員Ian（陳卓賢）推出本年度第3首個人單曲《樹會流眼淚》，日前他在電台接受訪問時表示創作新歌時，腦海出現跟「水」相關的畫面，更覺得「水」跟他相似：「水時而平靜，時而好有力量，同我一樣，平時好似好平淡，但其實都有激動嘅時候，所以覺得水可以表達細膩嘅感情，因此樂曲前奏係比較柔和平靜，一路推進時漸變高昂，音符愈嚟愈細密，就如流水一樣。」

不過最後決定用具生命力又有歷練及硬淨的樹木為題材，是因為在玄學中的五行中個人鍾意木，Ian又想帶出每人都會活在他人的庇蔭之下，在別人守護時，其實也在守護別人的訊息，而他亦將與Hellosss（粉絲暱稱）的關係代入曲中，他隔空向粉絲謂：「佢哋就係我守護者，我亦成為佢哋嘅力量來源。」

在電台節目直播期間，大批Hellosss留言，公開要求他在7月18及19日的澳門巡迴演唱會上首唱新歌，他未有正面回答，但卻暗示「好大機會」，令Hellosss雀躍，又謂澳門站將是《Tears演唱會》最後一站，如再在港開騷將是全新面貌，更派「彩蛋」謂：「已經為下一次演唱會諗好主題啦。」。

最後Ian分享到英國及冰島旅行時，曾租一輛電動滑板車，漫無目的地在街上穿梭，跟在香港時足不出戶有很大差別，他說：「好開心喺旅程中得到啟發，以往覺得人生就要依軌迹去闖，但外國悠然嘅生活步伐，令我反思作為藝人，雖然要迎合外界嘅期望與方向，但步伐係自己決定嘅，音樂作品更加是『無框框』。」

東網網站 : https://on.cc/東網Facebook專頁 : https://www.facebook.com/onccnews/