關智斌獻唱忘詞　粉絲「補位」感窩心

藝人關智斌（Kenny）日前為活動任表演嘉賓，獲過百名fans到場支持，剛於內地完成6站巡迴演唱會，Kenny表示已很久未有在港演出，但當看見fans前來支持感安慰，他說：「好在fans冇忘記我，同埋見到好多fans佢哋抱住自己個女，或者自己個仔過嚟，即刻覺得有啲時間飛逝嘅感覺。」

未知是否太興奮，Kenny獻唱期間突然忘記歌詞，台下fans立即「補位」大聲叫唱，不過Kenny卻叫停，並決定重唱：「其實首歌喺巡演時每一場都有唱，突然間back out咗，為咗回饋現場fans嘅支持，一定要重新好好地唱一次俾大家聽。」

而fans亦悉心準備很多應援物，令Kenny十分窩心，他說：「因為以前好少見到，有時返屋企睇到佢哋我嘅禮物，全部係好有心機，好似畫啲畫，又整咗好多精品公仔同我差唔多樣，真心覺得係好犀利！我嗰個年代冇乜好多呢啲嘢，同埋巡演嘅時候，佢哋會安排好多嘢食，又有餐車，感受到依家啲偶像派歌手嘅待遇，多謝佢哋令我感受到，我仲未同呢個時代脫節。」

東網網站 : https://on.cc/東網Facebook專頁 : https://www.facebook.com/onccnews/