曾志偉談當5年總經理得失　「有時想講啲嘢唔講得」

早前TVB宣布，曾志偉將於2026年1月21日起，由現任總經理（節目內容營運）一職轉任新成立、專責就新節目內容及策略方向，向董事局提供建議的諮詢委員會召集人。曾志偉早前親自欽點黎芷珊於訪談節目《一周星星》為他訪問。節目將於本周日（1月11日）晚播出。

「娛樂新聞台」近日播出節目宣傳片，芷珊代網民發聲：「好多人都會諗點解你會喺呢個時候決定唔做總經理。」志偉回應：「五年對我嚟講太漫長」，並坦言擔任總經理壓力大：「我有時想講啲嘢，你嘅身份唔講得㗎，我哋上市公司嚟㗎，好辛苦呀，都唔似我嘅。」、「我冇諗過我咁鬼冇用，五年先做到咁樣。我以為三年就搞掂啦，但呢隻遊輪太大隻，航空母艦嚟。」

志偉又指其實子女們一早想他卸任：「佢哋想咗好耐㗎喇，直情恐嚇：『做夠未呀？！』，仔女大咗就惡過你呀，哈哈哈。」志偉談到任內5年自己的種種轉變，談到難免有批評的聲音，志偉希望觀眾多多包涵：「『有啲嘢點解咁㗎？』喂冇得使、慳住做咪會出現少少問題，見諒見諒。」、「要轉虧為盈，慳住使都係一個辦法之一嚟嘅。」

志偉又坦言當初計劃推出《中年好聲音》時，並未有預算過能有今天的成績：「冇諗過反應咁大。」並透露當初單是節目的命名，也有小故事。預告中，曾志偉透露在這5年任期內，有一件事是他想做但一直未做到的：「呢樣我覺得最遺憾」。