陳奕迅推出新歌〈盲婚啞嫁〉講述人生如戲的故事

陳奕迅繼〈人啊人〉之後，推出新歌〈盲婚啞嫁〉，並邀請了曾經與他合作《短暫的婚姻》女主角蔡思韵一起拍攝這首新歌 MV，新歌更會有一個長達十五分鐘的劇場版，由他及蔡思韵、谷祖琳 、陳紫萱、 吳肇軒等一起演一個穿越時空的感人微電影 。

〈盲婚啞嫁〉歌曲劇場版講述 Eason 這一位攝影師於太太去世後，如何走出傷痛破繭重生的故事。歌詞內容意思是指人生如戲，劇本前世今生已定，我們只能順著劇本走下去，人生就好似「盲婚啞嫁」一樣，開始時，大家都不認識大家，莫講夫妻，父母兄弟姐妹，都是出生前一早已幫你揀定人選，當中是喜是悲，控制在於自己這位主角的心態。擁有過、失去過，兜兜轉轉間，有緣又會再重聚。

談到再次與蔡思韵合作，Eason 表示能再合作當然十分開心，發覺蔡思韵長大了不少，做戲更自然及有味道，「因為之前合作過，所以冇陌生感覺，覺得幾好呀真係….今次人人都做得好好，陳紫萱、 吳肇軒 、谷祖琳，甚至演來影相的兩位老人家，都演得好好，得我一個演得唔夠好囉。」

記者問他為甚麼這麼謙虛，因 MV 中見到他非常投入，Eason 指「我估係剪接剪得好，導演好啦。(你對住張空床，同攝影機喊晒，滴晒真眼淚喎 ) 係呀，真係滴晒真眼淚，拍攝場地其實好多人，可能個景 set 得好靚，好懷舊，幫到好大忙，係個景入面，咪自己走埋一角，諗下如果一個咁開心，咁樂觀伴侶離開自己會點，諗諗吓，叫我埋位，眼淚就自然咁流咗落嚟。不過講演技，我真係仲有好多野要學，仲有好大進步空間。」

這次 MV 之外，還有一個 15 分鐘劇場版，十足一套微電影，稍後亦會於網上發放給大家觀看。Eason 表示，「微電影都係導演的構思，反正都拍一個故事，不如就拍多一個劇場版，「所以都拍咗兩日，都幾長時間，但係都做得好開心，有滿足感嘅。」