唔靠爸爸陳少琪！陳明憙落手落腳推出專輯

陳明憙一手策劃整張新專輯。

陳明憙唔靠爸爸陳少琪，加油呀！

創作歌手陳明憙之前為TVB娛樂新聞台節目《StarTalk》擔任嘉賓，她表示現時造歌主導性多過以前好多，更如一份畢業作般，以前有前輩跟填詞人爸爸陳少琪參與，今次自己一手策劃及找團隊做整張專輯，包括拍《遊樂》MV及創作。問到是否刻意不用爸爸幫手時，她說：「係！希望佢可以休息多啲，享受佢自己嘅projects同人生，唔使再擔心我，同埋我想證明畀佢睇，我可以handle到，今次自己都勇敢咗，做自己想做嘅事，好似曲風方面唔再只係小清新，專輯裏面有自己想做嘅搖滾風。」談到工作方向時，陳明憙說：「都想唱多啲廣東歌，呢三年自己都有研究唱廣東歌，之前可能喺外國生活，唱廣東歌咬字方面有啲誇張，依家開始有進步。另外，自己做歌手都想接觸到多啲觀眾，要嘗試唔同範疇，好似之前做舞台劇就愛上咗演戲。」