網民踢爆！黃翠如見唐詩詠原來仲有馬國明

喺新冠肺炎肆虐下，唔少人都避免聚會減少感染機會，不過唐詩詠就堅持出去見一個人，難怪佢都話：「呢個時候會出嚟食飯一定係生死之交！」佢就係黃翠如喇！兩人仲唔覺意襯咗着上紅色衫，不過就未有戴上口罩！而詩詠仲送咗一抽提子畀翠如增加維他命C防疫！

雖然相中只有兩人，但就有網民踢爆原來仲有兩男子，佢話喺九龍城見到翠如、蕭正楠同馬國明，有另一網民就留言：「同馬國明慶生🎂順道做紅娘🤭」事關馬國明尋日生日，又咁啱今日係情人節，咁即係兩Pair人一齊慶祝？而最近黃心穎被爆同鼓手泥鯭密會，網民都祝福馬國明，希望佢早日搵到對的人呀！而C君老婆黃天頤就上載馬國明切蛋糕嘅獨照，唔知有幾多人在場呢？

東網網站 : https://on.cc/

東網Facebook專頁 : https://www.facebook.com/onccnews/