25歲郭奕芯恨脫單：搵個真心男人好難

女星郭奕芯出席電影《拳道》首映，剛踏入25歲的她，獲電影公司送蛋糕慶祝，令其驚喜非常，笑指25歲後不會再公開自己年齡：「因為好尷尬，其實生日不嬲冇特別慶祝，舊年都係工作中度過，今年都係，寓工作於娛樂。」

單身一段日子的她，表示現時仍沒拍拖，她說：「想搵個好男人，但係好難，所以睇定啲先。（工作環境冇遇到好男人？）唔係冇，係要相處過先，仲要時間慢慢搵，上一段感情已經2年前（做幕前？）係圈中人，但唔講太多，好似幫人宣傳咁（下次搵男友揀圈內定圈外？）冇所謂，真誠好緊要，依定要搵個真心嘅男人好難。」

雖然本地疫情再次嚴峻，但首映上仍然人流處處，場內亦非常侷促，惟眾星於拍攝大合照時卻除下口罩，非常危險。

東網網站 : https://on.cc/

東網Facebook專頁 : https://www.facebook.com/onccnews/