電眼冧女識Social　蔣怡鋪路2歲囝囝做星

蔣怡（Coco）育有一對子女，大女翁容現年7歲，細仔翁羽2歲多，以前她甚少在社交網甫家庭照，但自從囝囝出世後，她竟為子女開設專屬社交網，狂晒生活點滴，吃喝玩樂、洗澡、上廁也不介意公開。

有運動天分

原來她直覺囝囝適合做娛樂圈：「囝囝好得人鍾意，都算靚仔。（有天分？）佢好運動型，鍾意踢波、打波同跑步，跑好耐都唔攰，佢未來一定高大，所以我覺得佢有做運動員嘅天分。另外仲有一個天分，幾得意嘅，佢好識做人，識Social，眼神好似會捉住你咁。」她不介意囝囝入娛樂圈，有機會可以拍廣告，但無意做星媽，寧願做其「師姐」，她說：「我唔會做經理人，等我經理人做啦！已經簽咗畀佢。」其珠寶設計師老公翁狄森講過，希望子女將來繼承其珠寶品牌生意，但Coco覺得父母應該鼓勵子女發展，而非阻止。

疫情下，工作難免受影響，她感恩拍了一套邵氏電視劇，其餘時間就做回媽咪角色，她笑說：「依家重心放喺如何保護屋企人、如何餵飽小朋友同跟功課，保證家人健健康康，已經係我嘅成就！」

東網網站 : https://on.cc/

東網Facebook專頁 : https://www.facebook.com/onccnews/