拒戴口罩靠苑瓊丹解決　梁思浩復工開咪

藝人梁思浩早前因為拒戴口罩而和網台高層「吵大鑊」，更一度「劈炮」自資搵其他主持代做節目，不過「不和事件」又有「戲劇性發展」，日前思浩在社交網站宣布「復出」回歸網台，更指好友苑瓊丹（苑仔）協助搜攞口罩：「我唔係冇口罩，但我有嚴重鼻敏感，戴市面一般口罩，會除咗影響日常工作，其實係會令我抖唔到氣！咁病係我自己問題，當日我費事周圍解釋，好似搵藉口咁，惟有自己搵解決方法。」

思浩仲話好友苑仔夠義氣，得知「不和事件」後主動幫她四出撲「罩」：「佢怕我唔喺死於新冠肺炎，就係鼻敏感抖唔到氣，不停話攞私伙罩畀我，我話咁益我？我怕佢老公呷醋啊！最終佢介紹唔起毛粒可以防誘發鼻敏感同哮喘嘅口罩，試咗兩日ok咪決定復工。」

「復工」當日，思浩社交網站暗示只做21集節目，他又說：「畀大家有幻想空間啦，咩都有可能發生嘅。呢個年代今日唔知聽日事，疫情點發展都預測唔到，人為未來做準備，21集係指今季節目，至於下季呢就交畀嗰天去決定。」

東網網站 : https://on.cc/

東網Facebook專頁 : https://www.facebook.com/onccnews/