全世界只有10%！兩隻智慧齒生正神經線隔籬　江嘉敏勁興奮

無綫小花江嘉敏喺社交網話有一句說話佢成日聽，但點都唔信，呢句說話就係：「你真係好特別，你係一個好unique（獨特）嘅人。」不過直到今日，佢終於相信喇！事緣佢去睇牙醫，打算剝智慧齒，點知個牙醫同佢講：「照咗第一次X-ray望到隻牙好近神經線，係好近啫。」點知再照多次，發現佢兩隻智慧齒喺正條神經線隔籬，佢話：「會出現呢個情況嘅全世界只有10%，而我就係特別嘅一個！👏🏻👏🏻👏🏻」開心到佢打咗3個拍手Emoji，可想而知佢有咁High！

感受到自己有獨特一面嘅佢，忍唔住公告天下，話好少晏晝出Post，佢上載張托腮相留言：「襯番張牙痛嘅相，好多人叫我快啲剝智慧齒，因為塊面會瘦啲！」

東網網站 : https://on.cc/

東網Facebook專頁 : https://www.facebook.com/onccnews/